Ek Din Main Bhi Udd Jaunga #Creation 43

Main cycle ki hoon back seat tum limo ki luxury gaadi...

Main rasoi ka kapda hoon tum ho banarasi saadi...

Main mathumakhi ke chhatte sa tum panchi ki udaaan ho..

Main UP ka koi dumpyard tum dakkan ke Pathaar ho..

Main san-70 ka transistor tum ho tv smart,

tum dessert videshi ho main hoon thele ki chaat...

Main police ka danda hoon tum phoolon ki barsaat ho..,

main jalta suraj garmi ka tum sard ki komal raat ho,

tum business class sawari ho , hum gate pe latke aae hai...

tum nobel ka samman ho humne joote bhi khaaye hai,

tum punam ka ho tajmahal main purana sa khandar hoon...

tum morni madhuvan ki main circus wala bander hoon..

 

Tum wine ka limited edition ho, hum kachakde ka dabba hai...

tum colourful si moctail, hum mele ka murabba hai...

tum sunaar ki tizori ho..., humra dusra naam kangaali hai..

tum sharukh khan ki mannat ho, hum tapri tapakne wali hai..

par dil ko difference dikhe nahi, aur ho gya tere naam...

ab chahe bech aao ise tum kodiyo ke daam..

Main tute tang ki patang sa.., sangharsh karta najar aaunga..

tum dori thaame rakhna bas, ek din main bhi ud jaunga...

hum ghunghe ki awaaz hai..tum lata didi ka gaan ho...

hum koyle ki khaan hai tum heere ki dukaan ho...

hum seemi hui maachhis hai tum jaise akhand jyoti ho...

hum signal ke bikhari hai to tum ambani ki poti ho....

Tum chappan bhog lagati ho, main kanda-roti khata hu , 

tum disco club me jaati ho, main aaj bhi pe kue pe nahata hoon

tum logo ka good luck ho, main manhusiyat ka baap hoon..,

tum devo ka vardaan ho , main rishi-muniyo ka shraap hoon...

tum twenty-four carat gold ho, hum chedo wali juraabe hai...

tum time sqare ki chamak chhondh, hum barsaat ke baad ka bombay hai ..

tum mugle-e-aazam ki anaarkali hum sholay ke hai raam-laal....

tum pari jannat ki ho, hum jungliyo ki hai misaal..

tum atal ji ki bhajpa main kejriwal ki aap hoon,

tum jeevan bhar ka purd-dharm, main ganga bhar ke paap hoon...

tumhare dady birthday pe, car - scooty dilate hai..

humare yaha pe 100 gram jalebi me khush ho jaate hai ...

par dil ko difference dikhe nahi, aur ho gya tere naam...

ab chahe bech aao ise tum kodiyo ke daam..

Main tute tang ki patang sa.., sangharsh karta najar aauunga..

tum dori thaame rakhna bas, ek din main bhi ud jaunga...

@GARVIT