Kya likhu ki Shabd mere ho aur Dastaan lakho ki bayaan ho jae,
Kya likhu ki jab sune meri nazme koi to wo yaadon se saje galiyaro me kho jae,
Kya likhu esa ki tukbandiya meri misaal si kahi jae mehfilo me kabhi,
Kya likhu esa ki geet baje jab mere to masti me ho majboor thirakne lage sabhi...
Kya likhu esa jo ishq sa khoobsurat ho aur Ishq ke tajurbo sa ho khaara...
Kya likhu esa ki kam hi labz kharch ho mere aur utar jau kagaz pe main saara..,
Kya likhu ki mere khayalo ki gehraiyon main jhaank sako tum bhi,
Kya likhu ki shabdo ka shringaar panno pe taank sako tum bhi...,
Kya likhu ki iss raat ki khoobsurti ke sang thoda insaaf ho jae...,
kya likhu ki taaref me kami bhi reh jae noor ki to maaf ho jae...,
Kya likhu ki Jo bayaan na hui thi baatein ab tak, un baaton ko lafzo ka ek rasta mil jae...
Kya likhu ki Khud ke aur kareeb mehsus ho mujhe aur pehchaan se meri mujhe thoda fasla mil jae ...
@Garvit
